Aqrarpress.az günlük bürcləri təqdim edir:
Qoç
Bu çərşənbə axşamı qarşıya çıxacaq çətinlikləri səy göstərsəniz, dəf etmək mümkündür. Əsas olan yolunuzda maneələr yarandıqda təslim olmamaq və işi vaxtından əvvəl boş buraxmamaqdır. İşdə xoşagəlməz vəziyyətlər yarana bilər, məsələn, nailiyyətlərinizin başqasının adına yazılması ehtimalı var. Belə ədalətsizlik təbii ki, sizi qəzəbləndirəcək. Amma emosiyalarla deyil, uzunmüddətli perspektivdə sizin üçün daha faydalı olacaq şəkildə hərəkət etmək vacibdir. İşgüzar tərəfdaşlarla münaqişə yaratmaq isə qətiyyən məsləhət deyil, çünki onların dəstəyi sizə hələ dəfələrlə lazım olacaq. Ona görə də strateji düşünməyə çalışın və yalnız sizə sərf edəndə hərəkətə keçin.
Şəxsi münasibətlər isə narahatlıq doğuracaq sahə deyil və burada müsbət dəyişikliklər mümkündür. Son vaxtlar romantikanın çatışmadığını hiss edən Qoçları xoş sürprizlər və yeni təəssüratlar gözləyir. Sevdiyiniz insan hətta dilə gətirmədiyiniz arzularınızı belə gerçəkləşdirə bilər.
Buğa
İşi səmərəli görmək üçün yaranan fürsəti əldən verməyin. Peşəkar sahədə müsbət meyllər üstünlük təşkil edəcək və bir çox Buğalar günü olduqca məhsuldar keçirəcək, ciddi məsələləri həll edib mövqelərini möhkəmləndirəcəklər. Bilik və təcrübəniz sayəsində başqalarının bacarmadığı işlərin öhdəsindən gələ biləcəksiniz və bu diqqətdən kənarda qalmayacaq. Böyük ehtimalla, məhz bugünkü uğurlar yaxın zamanda sizə cəlbedici əməkdaşlıq təklifləri qazandıracaq.
Çox güman ki, ev işlərinə və ailə üzvləri üçün vacib olan bəzi məsələlərə diqqət ayırmalı olacaqsınız. Məlum ola bilər ki, hamı məsuliyyəti üzərinizə götürməyinizi gözləyir, çünki adətən belə də olur. Amma hər Buğa buna hazır olmayacaq və bu da gərgin söhbətlərə səbəb ola bilər. Xoşbəxtlikdən, məsələləri sakit və konstruktiv şəkildə müzakirə etmək mümkün olacaq və münaqişə yaranmayacaq. Günün sonunda isə xeyli enerji sərf etdiyinizi hiss edəcəksiniz.
Əkizlər
Son vaxtlar darıxanları bu gün sevindirəcək. Gün həm gözlənilməz hadisələr gətirəcək, həm də Əkizlərə özlərini ən yaxşı tərəfdən göstərmək imkanı verəcək. İşgüzar sahədə yeni başlanğıclar uğurlu olacaq. Əgər uzun müddətdir iş və bizneslə bağlı planlarınızı müzakirə etmək istəyirdinizsə, bunu bu gün edin — dəstək alma ehtimalı yüksəkdir. Bundan əlavə, qeyri-rəsmi şəraitdə işgüzar ünsiyyət üçün də uyğun gündür. Cazibəniz sayəsində adətən yalnız öz fikrinə qulaq asan insanlar belə sizi diqqətlə dinləyəcək.
Maliyyə sahəsində müsbət dəyişikliklər mümkündür. Pul dərhal gəlməyə bilər, amma gələcəkdə qazanc gətirəcək müqavilələr bağlamaq və ya sərfəli əməkdaşlıqlar barədə razılaşmaq şansı yaranacaq.
Xərçəng
Daha qətiyyətli davranmaq lazımdır: bu gün ulduzlar sizin tərəfinizdədir və böyük uğurlar əldə etmək şansınız var. Hər şeyin dərhal problemsiz alınacağını gözləməyə dəyməz. Retrograd Merkuri zaman-zaman özünü xatırladacaq, amma bu çərşənbə axşamı onun təsiri xırda çətinliklər və dərhal düzəldiləcək səhvlərlə məhdudlaşacaq. Ümumilikdə isə müsbət meyllər üstünlük təşkil edəcək və həm işdə, həm də şəxsi münasibətlərdə yaxşılığa doğru dəyişikliklər mümkündür.
Qeyri-adi əməkdaşlıq təklifləri istisna deyil. Son vaxtlar fəaliyyət sahəsini dəyişmək barədə düşünən Xərçənglər perspektivli, amma çətin bir sahədə çalışan şirkətə dəvət ala bilərlər. Belə hallarda tələsmək olmaz: vəziyyəti araşdırmaq, daha çox məlumat toplamaq və müxtəlif insanlarla danışmaq faydalıdır. Ola bilsin ki, bu, karyeranızda köklü dəyişikliklərin başlanğıcıdır.
Şir
Heç yerə tələsməyin: bu, addımları ardıcıl və düşünülmüş şəkildə ataraq əla nəticələr əldə oluna bilən günlərdəndir. Ətrafdakılar sizi tələsdirə, öz tempini diktə etməyə çalışa bilər. Belə vəziyyətlərdə münaqişədən qaçmaqla yanaşı, sizə uyğun ritmi qorumaq vacibdir. Ən böyük uğurları həm başqalarına özlərini idarə etməyə imkan verməyən, həm də təşəbbüsü ələ alıb başqalarının işini təşkil edən Şirlər qazanacaq.
Yeni bir işə başlamağı planlaşdıranlar planlaşdırmaya ciddi yanaşmalı və imkanlarını obyektiv qiymətləndirməlidirlər. Ola bilər ki, bu gün iri işlərdənsə xırda tapşırıqlarla kifayətlənmək və əsas məsələləri daha münasib vaxta saxlamaq daha düzgün olsun. Şübhə yaranarsa, sınanmış müttəfiqlərin məsləhətinə qulaq asın — onların baxış bucağı sizin üçün faydalı olacaq.
Qız
Ulduzlar aşiq olan Qızlara xüsusilə mehriban davranacaq: ən xoş sürprizlər və sevindirici xəbərlər məhz onları gözləyir. Şəxsi münasibətlərdə təşəbbüs göstərmək istəyənlər üçün də gün pis keçməyəcək, məsələn, uzun müddətdir xoşunuza gələn birini görüşə dəvət etmək üçün münasib zamandır. Bu çərşənbə axşamı etiraflar, hisslər barədə söhbətlər və narahat edən mövzuların səmimi müzakirəsi üçün uyğundur. Doğru sözləri tapmaq çətin olmayacaq, sevdiyiniz insanın narahatlığının səbəbini anlamaq asanlaşacaq. Əgər münasibətlərinizdə son vaxtlar qısqanclıq vardısa, bu gün onun üçün əsas olmadığını görəcəksiniz.
İşgüzar sahədə müsbət meyllərin təsiri daha zəif olacaq, amma burada da hər şey pis getməyəcək. Əsas şərt operativ davranmaq və problemlərin öz-özünə həllini gözləməməkdir. Nə qədər tez məsuliyyəti üzərinizə götürüb vəziyyəti nəzarətə alsanız, bir o qədər tez uğur əldə edəcəksiniz.
Tərəzi
Şərait son dərəcə əlverişsiz görünsə və planlarınızı həyata keçirməyin mümkünsüz olduğu təəssüratı yaransa belə, niyyətlərinizdən imtina etməyin. Çox keçmədən hər şeyin düşündüyünüz qədər pis olmadığı aydınlaşacaq. Bundan əlavə, problemlərin bir hissəsini üzərinə götürməyə hazır insanlar tapılacaq. İntuisiya isə səthdə görünməyən, amma maraqlı imkanlar açan bir həll yolu göstərəcək. Sadəcə vəziyyəti dəyərləndirmək üçün bir az vaxta ehtiyacınız olacaq və nəticədə üzüağ çıxa biləcəksiniz.
Emosiyalara nəzarət etmək vacibdir. Nəsə sizi narahat etsə belə, bunu büruzə verməməyə çalışın. Xüsusilə günün ikinci yarısında diqqətli olun, çünki bu vaxt ətrafınızda başqalarının zəifliyindən məharətlə istifadə etməyi bacaran insanlar ola bilər.
Əqrəb
Şərait necə olursa-olsun, uğura olan inamınızı itirməyin. Məqsədinizə çatmaq və planlarınızı reallaşdırmaq üçün mütləq bir imkan yaranacaq. Bunun üçün ixtiraçılıq tələb oluna bilər, çünki adət etdiyiniz üsullar bu dəfə effektiv olmaya bilər. İntuisiya sizə düzgün yolu göstərə bilər, əgər bu baş verməsə, vaxtında yanınızda olan və məsləhətinə güvəndiyiniz bir insan köməyə çatar.
Bu gün bir çox Əqrəblər peşəkar fəaliyyəti ilə bağlı vacib qərarlar verməli olacaq. Karyera pilləsində yüksəlmək və ya daha maraqlı və yüksək maaşlı işə keçmək şansı istisna deyil. Hər iki halda yekun qərar verməzdən əvvəl mümkün qədər çox məlumat toplamaq tövsiyə olunur.
Oxatan
Gün çoxlu gözlənilməzliklər gətirəcək və onların hamısı xoş olmayacaq. Ancaq işlər istədiyiniz kimi getməsə belə, çaşqınlıq yaşamayacaq və qorxmayacaqsınız. Bu gün sizi planlarınızdan vaz keçməyə məcbur edəcək nə kimsə, nə də nəsə tapılacaq. Sadəcə məqsədə aparan yol düşündüyünüzdən fərqli ola bilər. Taktikanı dəyişmək, yeni müttəfiqlər axtarmaq və vəziyyətə uyğun improvizasiya etmək lazım gələ bilər. Unutmayın ki, bu vəziyyətdə tək deyilsiniz və başqalarının davranışını izləmək sizə onların səhvlərindən dərs çıxarıb öz gücünüzü qorumağa kömək edəcək.
Günün ikinci yarısı ümumilikdə birincidən daha uğurlu olacaq. Xüsusilə romantik görüşə gedən və ya sevdiyi insanı sevindirmək istəyən Oxatanlar üçün bu vaxt xoş keçəcək. Şəxsi münasibətlər baxımından da bu dövr əlverişlidir: yaxınlarınızla ünsiyyət adət etdiyinizdən daha asan olacaq və sizi yarım sözdən anlayacaqlar.
Oğlaq
Hər şey planlaşdırdığınız kimi getməsə də, narahat olmayın. Yeni yaranan şərait kifayət qədər əlverişli olacaq. Bəzi məsələləri sadəcə sonraya saxlaya və daha sakit şəraitdə yenidən onlara qayıda bilərsiniz. Ulduzlar günün ilk yarısında göstərdiyiniz israrın mükafatını vəd edir. Ona görə də maneələr qarşısında geri çəkilməyin və müttəfiqləriniz uğura şübhə etsə belə, irəliləməyə davam edin.
Uzanan işgüzar danışıqların uğurla başa çatması və planlarınızı dəqiqləşdirməyiniz mümkündür. Bəzi Oğlaqlar sərfəli müqavilələr bağlayacaq. Gün həm də şəxsi layihələrə maliyyə yatırmaq üçün münasibdir.
Dolça
Qeyri-adi qərarlar verməkdən və intuisiyanızın dediyi kimi hərəkət etməkdən çəkinməyin. Bu gün başqalarının təcrübəsi o qədər də faydalı olmayacaq, əvəzində öz ideyalarınız uğurlu çıxacaq və onları həyata keçirmək imkanı yaranacaq. Bəzi Dolçalar mövcud əlaqələri möhkəmləndirəcək və yenilərini quracaqlar. Bu baxımdan peşəkar tədbirlərdə iştirak etmək, təcrübə paylaşmaq və nailiyyətlərinizdən danışmaq çox faydalı olacaq. Əvvəllər qabiliyyətlərinizə şübhə edən insanlar yanıldıqlarını anlayacaq və maraqlı təkliflərlə çıxış edəcəklər.
İş və ya sizin üçün vacib olan maliyyə məsələsi ilə bağlı xoş xəbərlər mümkündür. Bəzi Dolçalar mövcud vəsaitlərini çox sərfəli şəkildə yatırmağa imkan verən məlumat əldə edəcəklər.
Balıqlar
Günün birinci yarısında çox iş görməli olacaqsınız. Hətta yalnız tanış və sadə işlərlə məşğul olan Balıqlar belə çətinliklərlə üzləşə bilər. Vaxtında düzəldilməyən xırda səhvlər ciddi nəticələrə gətirib çıxara bilər, ona görə də maksimum diqqətli olun. Ümumilikdə bu vaxt fərdi fəaliyyətdən çox komanda işi üçün daha uyğundur, çünki həmfikirlərin dəstəyi böyük əhəmiyyət daşıyacaq.
Zaman keçdikcə müsbət meyllərin təsiri güclənəcək və artıq günün ortalarında son vaxtlar yaranmış çətinlikləri necə aradan qaldıracağınızı və inandırıcı qələbəni necə qazanacağınızı anlayacaqsınız. Elə bu vaxt yeni müttəfiqlər də ortaya çıxacaq və onların arasında kifayət qədər nüfuzlu insanlar ola bilər.
