Azərbaycanda kənd təsərrüfatı məhsullarının ümumi istehsal həcmində artım qeydə alınıb.
Kənd Təsərrüfatı Nazirliyindən AZƏRTAC-a verilən məlumata görə, cari ilin yanvar-fevral ayları ərzində kənd təsərrüfatı məhsullarının ümumi istehsal həcmi ötən ilin müvafiq dövrü ilə müqayisədə 2,1 faiz artıb.
Kənd təsərrüfatı məhsullarının ümumi istehsal həcminin dəyəri faktiki qiymətlərlə 1 milyard 61,9 milyon manat təşkil edib ki, bunun da 94,7 faizi heyvandarlıq sahəsinin, 5,3 faizi isə bitkiçilik sahəsinin payına düşüb. Həmçinin bu ilin yanvar-fevral aylarında kənd təsərrüfatı, meşə və balıqçılıq sahəsində yaradılan əlavə dəyərin ÜDM-də payı 2,9 faiz təşkil edib.
